Qazaqstannan eksporttalatyn dızel otynynyń 51 paıyzy Ózbekstanǵa tıesili

ASTANA. QazAqparat - 2013 jyly Qazaqstan Keden odaǵy aıasyndaǵy málimetterdi esepke almaǵanda, 131,8 mln. dollardy quraıtyn 182,9 myń tonna dızel otynyn eksporttady. Bul 2012 jylmen salystyrǵanda mólsheri jaǵynan 14,8 paıyzǵa, baǵasy jaǵynan 18,2 paıyzǵa artyq. Bul týraly Qarjy mınıstrliginiń Kedendik baqylaý komıtetiniń taratqan málimetinde qamtylyp otyr.

Toqtala ketetin jaıt, statıstıkalyq málimetterge qaraǵanda Qazaqstan Nıderlandyǵa 2013 jyly 32,7 mln. dollardy quraıtyn 87,8 myń tonna dızel otynyn eksporttaǵan. Bul kórsetkish 2012 jylǵa qaraǵanda 7 esege artyq bolyp tabylady.

«Qazaqstannan dızel otynyn eń kóp satyp alýshylar arasynda Ózbekstan - 51,3 myń tonna jáne Fınlıandııa - 41,7 myń tonnany qurap otyr», - delingen statıstıkalyq aqparatta.