Qazaqstannan eksportqa 22,9 mln tonna kómir shyǵaryldy

ASTANA. QazAqparat - Energetıka mınıstrliginde múddeli memlekettik organdar, kómir óndirýshi kásiporyndar, taýar bırjalary, treıderler men «Qazaqstan temir joly» Ulttyq kompanııasynyń qatysýymen keńes ótti, dep habarlaıdy QazAqparat mınıstrliktiń baspasóz qyzmetine silteme jasap.

Májiliste kommýnaldyq-turmystyq kásiporyndardy jáne halyqty kómirmen qamtamasyz etý, kómir jóneltýdiń problemalary talqylandy.

«Sala elektr energııasy óndirisiniń 70% jýyǵyn, koks hımııalyq óndirisi júktemesiniń 100 paıyzǵa jýyǵyn qamtamasyz etip otyr. Kommýnaldyq-turmystyq sektordyń jáne halyqtyń otynǵa degen suranysyn tolyǵymen qanaǵattandyrýda», - delingen baspasóz habarlamasynda.

Shuǵyl málimetter boıynsha, ústimizdegi jyldyń 26 qazanyna deıin elde 82 mln tonna kómir óndirildi. Bul ótken jyldyń tıisti kezeńimen salystyrǵanda 10,2% kóp. Іshki naryqqa 59,8 mln tonna kómir jóneltildi, onyń ishinde 44,8 mln tonna energııa óndirýshi kásiporyndarǵa bosatyldy. Eksport 22,9 mln tonnany qurady, bul 2016 jyldyń tıisti kezeńimen salystyrǵanda 13,9% kóp.

Kommýnaldyq-turmystyq qajettilikke jáne halyqqa kómir jóneltý 9,0 mln tonnany qurady, bul ótken jyldyń tıisti kezeńimen salystyrǵanda 12,5%-ǵa kóp.