Qazaqstannan birqatar memleketke jańa reıster ashyldy – Úkimet

ASTANA. QazAqparat - QR Úkimeti 2023 jyldan bastap, qaı memleketterge ushaq qatynaıtynyn jarııalady, dep habarlaıdy QazAqparat Úkimettiń Telegram kanalyna silteme jasap.

Jańa reısterdiń ashylýy

Astanadan Dohaǵa, Aqtaý men Shymkentten Ankaraǵa, Almaty men Aqtaýdan Medınaǵa, kóktemgi-jazǵy navıgatsııa kezeńinde: Astanadan Bakýge jáne Shymkentten Dýshanbege, Almatydan Karachı men Lahorǵa reıster ashylady.

Astana, Almaty, Aqtaý, Túrkistan jáne Atyraýdan Ystanbulǵa, Astana men Almatydan Antalıaǵa, Almatydan Baký, Tbılısı, Phýket jáne Malege Almatydan Delı, Chendý, London, Bodrým, Batýmı, Iraklıon, Podgorıtsaǵa, Astanadan Tbılısı men Podgorıtsaǵa reısterdi ulǵaıtý josparlanyp otyr.

Astana – Bishkek, Aqtaý – Erevan, Almaty – Samarqan, Shymkent – Kýtaısı baǵyttary boıynsha reıster qaıta usha bastaıdy.