Qazaqstannan bir ǵana boksshy Strandja kýbogynyń fınalyna ótti

ASTANA. QazAqparat - Bolgarııa astanasy Sofııa qalasynda ótip jatqan halyqaralyq «Strandja-2023» týrnırinde shırek fınalda qazaqstandyq Orazbek Asylqulov qarsylasynan basym tústi, dep habarlaıdy QazAqparat sports.kz resýrsyna silteme jasap.

Osylaısha Sofııadaǵy «Strandja» halyqaralyq týrnıriniń fınalynda Qazaqstannyń erler quramasynan bir ǵana sportshy synǵa túsedi.

Jartylaı fınalda 57 kelige deıingi salmaq dárejesinde óner kórsetken Orazbek Asylqulov armıan sportshysy Artýr Bazeıandy 3:2 esebimen jeńdi.

Asylqulov týrnırde fınalǵa jetken jalǵyz qazaqstandyq boksshy boldy.

Sondaı-aq, fınalǵa shyǵý úshin 75 kelige deıingi salmaq dárejesinde Nurqanat Raıys baryn saldy.

Alaıda ol bolgar boksshysy Kıvan Ramıden 1:4 esebimen jeńilip qaldy.

Eske salsaq, budan buryn qazaqstandyq eki boksshy jartylaı fınalǵa shyqqan edi.

Atalǵan týrnırge el quramasynan barlyǵy 13 boksshy barǵan.