Qazaqstannan avtomobıl jáne teńiz kóligimen tústi metall áketýge 6 aıǵa tyıym salynbaq

ASTANA. QazAqparat – Elimizden kólik jáne teńiz joldary arqyly shet memleketterge tústi metall áketýge tyıym salynýy múmkin. Bul týraly «Ashyq» NQA portalynda jarııalanǵan Indýstrııalyq damý komıtetiniń buıryq jobasynda jazylǵan, dep habarlaıdy QazAqparat tilshisi.

«Qazaqstan aýmaǵynan avtomobıl jáne teńiz kóliginiń barlyq túrimen mys, alıýmınıı, qorǵasyn qaldyqtary men synyqtaryn, isten shyqqan qorǵasyn akkýmýlıatorlardyń qaldyqtaryn, quramynda qorǵasyn, kadmıı nemese synaby bar hımııalyq tıpi boıynsha suryptalǵan jáne suryptalmaǵan tústi metaldardy áketýge 6 aı merzimge tyıym salynsyn», - delingen buıryqta.

Bul shekteý sharalaryn qadaǵalaý Indýstrııa jáne ınfraqurylymdyq damý mınıstrligi, Memlekettik kirister komıteti men Ulttyq qaýipsizdik komıtetiniń Shekara qyzmetine júkteledi.

Tyıym salynǵan tústi metaldardyń tolyq tizimimen myna silteme arqyly ótip, tanysýǵa bolady. Qujat 3 naýryzǵa deıin kópshilik talqylaýda bolady.