Qazaqstannan Aýǵanstanǵa 27 vagon gýmanıtarlyq júk jóneltildi
20:27, 16 Qazan 2023
<p>Memleket basshysy Qasym-Jomart Toqaevtyń tapsyrmasy boıynsha Aýǵanstanǵa joıqyn jer silkinisiniń saldaryn joıýǵa qoldaý kórsetý úshin memlekettik materıaldyq rezervten 1659 tonna gýmanıtarlyq júk bólindi.</p>
Bul týraly QazAqparat QR Tótenshe jaǵdaılar mınıstrliginiń baspasóz qyzmetine silteme jasap habarlaıdy.
Gýmanıtarlyq kómektiń birinshi partııasy, ıaǵnı 70 shatyr jáne «SK-Farmatsııa» JShS dári-dármekteri 11 qazanda Aýǵanstannyń Gerat qalasyna QR Ulttyq ulanynyń ushaǵymen jetkizildi.
27 temirjol vagonynda tıelgen gýmanıtarlyq júk (un, kúrish jarmasy, ósimdik maıy, sút konservileri, kereýetter, tósek-oryn jabdyqtary, kıim) Almaty qalasy men Qaraǵandy oblysynan jóneltildi.
Tıeý jumystaryn QR TJM 28237 jáne 52859 áskerı bólimderiniń áskerı qyzmetshileri qamtamasyz etti.