Qazaqstannan altyn plastınalar alyp shyqpaq bolǵan amerıkalyq ustaldy

NUR-SULTAN. QazAqparat - Almatydaǵy «Jetisý» keden beketinde altyn kontrabandasynyń joly kesildi, dep habarlaıdy QazAqparat Qarjy mınıstrligi Memlekettik kirister komıtetiniń baspasóz qyzmetine silteme jasap.

«23 shildede Almaty qalasyndaǵy halyqaralyq áýejaıdyń ushý zalynda «Jetisý» keden beketiniń qyzmetkerleri shekara qyzmetimen birlesip, «Almaty-Ystanbul» áýe reısimen jalpy salmaǵy 319 gramm bolatyn 10 dana sary metaldan jasalǵan plastınalardy alyp bara jatqan AQSh azamatyn ustady. Qarjy mınıstrliginiń Memlekettik kirister komıteti Ortalyq keden zerthanasy jasaǵan saraptama nátıjesine sáıkes, tabylǵan taýar «affınırlengen altyn» retinde aıqyndaldy.

Sheteldik tulǵaǵa qatysty Eýrazııalyq ekonomıkalyq odaqtyń kedendik shekarasy arqyly tyıym salýlar men shekteýlerdi saqtamaı, taýarlardy ótkizgeni úshin QR ÁQBtK-niń 545-baby boıynsha ákimshilik jaýapkershilik kózdelgen. Bul úshin jeke tulǵalarǵa taýarlar tárkilenip nemese tárkilenbeı, on bes aılyq eseptik kórsetkish mólsherinde aıyppul salynady», - delingen resmı habarlamada.