Qazaqstannan AQSh-qa oralǵan Golovkın jattyǵýyn jalǵastyryp jatyr

ASTANA. QazAqparat - Qazaqstandyq boksshy Gennadıı Golovkın (38-0-1, 34 KO) Big Bear lagerinde belsendi jattyǵýlardy qaıta jalǵastyrdy, dep habarlaıdy Sports.kz. 

Eske salaıyq, WBC/WBA/IBO tujyrymdary boıynsha orta salmaqtaǵy álem chempıony óz komandasymen birge AQSh-qa keldi. GGG Almatyda qaza tapqan mánerlep syrǵanaýshy Denıs Tenmen qoshtasýǵa kelip, jattyǵýdy úze turýǵa májbúr bolǵan edi.

Sondaı-aq, ol Máskeýdegi Dúnıejúzilik boks sýperserııasynyń fınalyna qatysyp, Aleksandr Ýsıkpen judyryqtasqan Mýrat Gassıevke qoldaý bildirdi. Aıqas tóreshilerdiń biraýyzdan sheshimimen Ýsıktiń jeńisimen aıaqtaldy.

Golovkınniń VKontaktedegi resmı toby Big Bear lagerinen sýret jarııalady. Onda otandyq boksshy meksıkalyq Saýl Alvarespen ekinshi jekpe-jekke daıyndyq aıasynda jattyǵýlardy qaıta jalǵastyrdy. Sýretterdiń birinde qazaqstandyq boksshy Abel Sanchestiń jańa tárbıelenýshisi Djo Djoıspen birge túsken.

GGG - «Kanelo» rematchy 15 qyrkúıekte Las-Vegasta ótedi.