Qazaqstannan 325 bosqyn pana tapqan

<p>Búgingi kúnde Qazaqstanda 5 elden kelgen 325 bosqyn turady, dep habarlaıdy <a href="https://kaz.inform.kz/news/aksha-ayirbastau-orindarinda-dollar-kanshadan-saudalanip-zhatir-8eb681/Kazinform" target="_blank" rel="noopener">Kazinform</a>.</p>

Respýblıka aýmaǵyn panalaǵan barlyq sheteldikter Qazaqstannyń bosqyndarǵa qatysty halyqaralyq qoǵamdastyq aldyndaǵy mindettemelerine sáıkes memleket tarapynan qorǵaýmen jáne qoldaýmen qamtamasyz etilgen.

«1998 jylǵy 15 jeltoqsanda Qazaqstan BUU-nyń 1951 jylǵy „Bosqyndar mártebesi týraly“ konventsııasyna (budan ári — Konventsııa) resmı túrde qosylyp, ózine belgili bir mindettemeler aldy.

Qazirgi ýaqytta respýblıkada Aýǵanstan, Ýkraına, Ózbekstan, Sırııa jáne QHR-dan kelgen 325 bosqyn turady. Olar elden shyǵarylmaý boıynsha qorǵalǵan», — dep jazdy QR Eńbek jáne halyqty áleýmettik qorǵaý mınıstrliginen.

Bosqyndarmen jumys jónindegi halyqaralyq mindettemelerdi oryndaý aıasynda vedomstvo janynda ulttyq zańnama normalaryn Konventsııa erejelerimen ımplementatsııalaý jónindegi jumys toby jumys isteıdi.