Qazaqstannan 304 myń dollardy zańsyz áketpek bolǵan sheteldik aqshany dóńgelekke jasyrǵan

NUR-SULTAN. QazAqparat – Aqtóbe oblysyndaǵy «Jaısań» shekara pýnktinde 304 myń AQSh dollaryn zańsyz áketpek bolǵan sheteldik azamat ustaldy, dep habarlaıdy QazAqparat UQK baspasóz qyzmetine silteme jasap.

«27 maýsymda Aqtóbe oblysy boıynsha Shekara qyzmeti departamenti «Jaısań» (avtomobıl) ótkizý pýnktinde tekserý is-sharalaryn júrgizý kezinde aqshalaı qarajatty shetelge zańsyz áketý áreketin anyqtady. 304 000 AQSh dollaryn avtomobıldiń júk salǵyshyndaǵy qosalqy dońǵalaqtyń astyna jasyrýǵa tyrysqan sheteldik azamat ustaldy. Materıaldar Ekonomıkalyq tergeý departamentine berildi», - delingen Komıtet aqparatynda.

Sonymen qatar, UQK Shekara qyzmeti Qazaqstan Respýblıkasynan tys jerlerge shyǵatyn azamattarǵa aqsha qarajatyn áketý (on myń AQSh dollarynan astam) jáne olardy deklaratsııalaý kezinde zańnamany saqtaý qajettiligi týraly eskertedi.

Foto: QR UQK baspasóz qyzmeti