ASTANA. KAZINFORM – 2024-2025 oqý jylynda 300 qazaqstandyq stýdent Túrkııa Respýblıkasynyń Türkiye Bursları granttyq baǵdarlamasy aıasynda Túrkııanyń memlekettik ýnıversıtetterinde oqýǵa múmkindik aldy. Bul týraly Ǵylym jáne joǵary bilim mınıstrliginiń baspasóz qyzmeti habarlady.
Bul baǵdarlama – Túrkııada joǵary bilim alý úshin tolyq qarjylandyrýdy qamtamasyz ete otyryp, sheteldik stýdentterdi qoldaýǵa baǵyttalǵan negizgi bastamalardyń biri.
Álemniń túkpir-túkpirinen talantty talapkerlerge arnalǵan Türkiye Bursları baǵdarlamasy 1991 jyldan beri jumys isteıdi. Osy ýaqytqa deıin Qazaqstannan bul grantty 9 myńnan astam stýdent ıelengen edi.
Bıylǵy oqý jylyna arnalǵan grantqa ıe bolǵan qazaqstandyq stýdentterdiń tizimi tamyz aıynda jarııalandy.
Elmıra Oralbaeva
Abaı atyndaǵy qazaq ulttyq pedagogıkalyq ýnıversıtetiniń túlegi. 2023 jyldan bastap Kazinform halyqaralyq aqparat agenttiginde shyǵarýshy redaktor qyzmetin atqaryp keledi.