Qazaqstanǵa jylyna 1 mlrd. dana jumyrtqa ımporttalady - UKP

ASTANA. QazAqparat - Qazaqstanǵa jylyna 1 mlrd. dana jumyrtqa ımporttalady. Búgin Májiliste Ekonomıkalyq reforma jáne óńirlik damý komıtetiniń keńeıtilgen otyrysynda Ulttyq kásipkerler palatasy tóraǵasynyń orynbasary Raqym Oshaqbaev osylaı málim etti. Eske salaıyq, jıyn barysynda tutynýshy ónimderin tehnıkalyq retteý máseleleri talqylanǵan bolatyn.

Tóraǵa orynbasarynyń aıtýynsha, tehnıkalyq retteý normalaryn qoldaný turǵysynan Qazaqstan Keden odaǵy aıasyndaǵy áriptesterinen keıin qalyp otyr.

«ıAǵnı, Qazaqstan óz rynogyn qorǵaý úshin tehnıkalyq retteý normalaryn jetkilikti qoldanbaı otyr degen sóz. Bul rette jumyrtqa ónimderine qatysty mysaldy alǵa tartýǵa bolady. Qazaqstandyq jumyrtqa óndirýshilerdiń baǵalaýynsha, jylyna elimizge 1 mıllıard danaǵa deıin jumyrtqa ımporttalady. Bular negizinen kontrabandalyq jolmen Reseıden keledi, olarǵa qosylǵan qun salyǵy da salynbaıdy. Nátıjesinde bundaı adal emes básekelestik qazaqstandyq óndirýshilerge zalal keltirýde», - deıdi Raqym Oshabaev.

Onyń aıtýynsha, bundaı kontrabandalyq jolmen kelgen ónimderdiń sapasy da syn kótermeıdi.

«Sondyqtan da biz ýákiletti organmen birlese otyryp, óz rynogymyzdy kontrabandalyq jolmen keletin markerlenbegen jumyrtqalardan qorǵaýymyz kerek. Degenmen, qazir Keden odaǵynyń aıasyndaǵy azyq-túlik ónimderin markerleýge qatysty tehnıkalyq reglamentteri bar. Alaıda, onda jumyrtqa ónimderin markerleýge qatysty biryńǵaı talaptar qamtylmaǵan. Sondyqtan da, biz ulttyq tehnıkalyq reglamentke ózgertýler engizip, markerleýge qatysty mindetti talaptar engizgimiz keledi. Osylaısha, kelesi jyldan bastap biz jumyrtqa ónimderiniń aınalymyn belsendi ári qatań qadaǵalap, rynoktan markerlenbegen ónimdi ysyryp shyǵa alamyz», - dedi R.Oshaqbaev.