Qazaqstanǵa jalǵan tólqujatpen ótpek bolǵan sheteldik ustaldy
09:34, 24 Qazan 2024
<p>ASTANA. KAZINFORM – 12 qazanda UQK Shekara qyzmeti Astana qalasynyń halyqaralyq áýejaıynda Qazaqstan Respýblıkasynyń jalǵan tólqujatymen kirý úshin shekaradan ótýge árekettengen sheteldik azamatty ustady.</p>
Materıaldar tıisti sharalar qabyldanýy úshin polıtsııa organdaryna berildi.
«2024 jyldyń basynan shekarashylar Memlekettik shekara arqyly ótkizý pýnkterinde jaramsyz jáne bógde adamdardyń tólqujattaryn paıdalanýdyń 198 faktisin joıdy.
UQK shekara qyzmeti jalǵan qujattardy paıdalanyp shekarany buzǵany úshin qylmystyq jaýapkershilik qarastyrylǵanyn habarlaıdy», — dep málimdedi vedomstvodan.
Aıta keteıik, buǵan deıin Jambyl oblysyndaǵy shekaradan janarmaıdy zańsyz ótkizýdiń 159 deregi anyqtalǵan bolatyn.