Qazaqstanǵa jalǵan qujatpen kirgen 45 júk kóligi men tirkeme anyqtaldy

<p>QONAEV. KAZINFORM &ndash; Qarjylyq monıtorıng agenttigi Almaty oblysy boıynsha departamenti Bas kólik prokýratýrasynyń úılestirýimen júk avtomobılderiniń ekonomıkalyq kontrabandasy boıynsha sotqa deıingi tergeýdi aıaqtady.</p>

Tergeý barysynda qylmystyq toptyń Qazaqstanǵa jalǵan qujattardy paıdalana otyryp esepke qoıylǵan zańsyz 45 júk kóligi men tirkeme kirgizilgendigi anyqtaldy.

«Bul memleketke 180 mln teńge somasyna tólenbegen kedendik tólemder, sondaı-aq 205 mln teńge somasyna tirkeý tólemderin tólemeý túrinde zalal keltirdi. Sotqa deıingi tergep-tekserý materıaldary sotqa joldandy. Tergep-tekserý jalǵasýda, ózge aqparat QR QPK 201 babyna sáıkes jarııalaýǵa jatpaıdy», — dep jazdy agenttikten.