Qazaqstanǵa zańsyz ákelingen 500 myń tonnadan astam ónimniń joly kesildi - QR AShM
«Bıylǵy jyldyń 18 aqpan men 1 naýryz aralyǵynda Qazaqstan Respýblıkasynyń aýmaǵyna fıtosanıtarııalyq táýekeli joǵary karantınge jatqyzylǵan ónimdi zańsyz ákelýdiń 31 faktisi áshkerelenip, joly kesildi.
Atap aıtqanda 14 jaǵdaıda Reseı Federatsııasynan 152,7 tonna jemis-jıdek pen sábiz, Irannan 45,2 tonna alma jáne Ońtústik Koreıadan 1 tonna júgeri unyn ımporttaý kezinde fıtosanıtarııalyq sertıfıkattardyń joqtyǵy anyqtaldy.
Sonymen birge Reseı Federatsııasynan 113 tonna un, júgeri, qurma, lımon, banan, kókónister men basqa da jemister, Túrkııadan 80,4 tonna keptirilgen órik pen Anar jáne Ózbekstannan 123,3 tonna keptirilgen jemis ımporty kezinde ónim qaıtalama tekserýge usynylmaýdyń 11 jaǵdaıy belgili boldy»,-delingen habarlamada.
Sondaı-aq onda 3 jaǵdaıda Reseı Federatsııasynan 20 tonna kebek pen 30 tekshe metr kesilgen aǵash materıaldary men Ózbekstannan 5,4 tonna anar ımporttaǵan kezde oramdarda tańbalaý bolmaı shyqqqany aıtylǵan.
Buǵan qosa Reseı Federatsııasynan 40 tonna lımon ımporty kezinde ýákiletti organnyń ruqsatynsyz júrý jolynda ónimniń basqa meken-jaıǵa jiberilgeni áshkere boldy. Sondaı-aq Qytaı Halyq Respýblıkasynan 58 tonna asqabaq ıadrosynyń tuqymyn ákelý kezinde karantındik ónim jaramsyz fıtosanıtarııalyq sertıfıkatpen ákelingen.
QR ÁQBtK-niń 400-babyna sáıkes, ósimdikter karantıni salasyndaǵy zańnamanyń buzylýyna jol bergen kináli tulǵalarǵa ákimshilik materıaldar toltyrylyp, 1,9 mln teńgeden astam somaǵa aıyppul salyndy.
«Sonymen qatar, jyl basynan beri Qazaqstan Respýblıkasy Aýyl sharýashylyǵy mınıstrligi ósimdikter karantıni salasynda 320 zańbuzýshylyqty anyqtap, nátıjesinde 24 mln teńgeden astam somaǵa ákimshilik aıyppul salyndy», - delingen mınıstrliktiń málimdemesinde.