Qazaqstanǵa vızasyz kele alatyn elder sany artady

ASTANA. QazAqparat – Mádenıet jáne sport mınıstri Ashat Oralov ishki týrızmdi damytý baǵytyndaǵy sharalarǵa toqtalyp ótti, dep habarlaıdy QazAqparat tilshisi.

«Memleket basshysy týrızmdi damytý máselelerin aıryqsha atap ótti. Kýrortty aımaqtardyń ınfraqurylymyn arttyrý maqsatynda avtomobıl joldaryn salý jumysy júrgiziledi. Sonymen qatar kýrortty aımaqtardy mobıldi baılanyspen 100% qamtý qolǵa alynady. Árıne, atalǵan jumystardy iske asyrýǵa qosymsha qarjy qajet. Osy oraıda eldi mekenderden tys jerlerdegi jáne ulttyq parkter aýmaǵyndaǵy týrıstik nysandar ınfraqurylymyn damytýdy jergilikti ákimdikter quzyretine berý qajet. Týrıstik servıs sapasyn jaqsartý jáne sala mamandaryn daıarlaý da mańyzǵa ıe», - dedi Ashat Oralov Úkimet otyrysynda.

Onyń aıtýynsha, otandyq týrızm salasyn tsıfrlandyrý baǵytyndaǵy jumys jalǵasady.

«Qonaq úılerdi «eQonaq» júıesimen 100% qamtyp, gıdterdiń qyzmetin tsıfrlandyrý jáne «Kazakhstan.travel» portalyn jańǵyrtýdy aıaqtaımyz. Budan bólek, sheteldik týrıster úshin qolaıly klımat jasalady. Vızasyz elderdiń tizimin 100-ge deıin arttyrý (2022 jyly – 79 el) máselesi jáne jańadan tikeleı áýe reısterin ashý jaǵy pysyqtalyp jatyr», - deıdi mınıstr.

Aıta keteıik, osyǵan deıin A. Oralov 2030 jylǵa qaraı otandyq fılmder prokaty 35% artatyndyǵyn jetkizdi.