Qazaqstanǵa vızasyz qatynaıtyn memleketter tizimi uzartylmaq
«2020 jyly biz vızasyz kire alatyn elderdiń tizimin 74 elge jetkizdik. 105 eldiń azamattary úshin elektrondy vıza engizildi. Pılottyq rejımde Qytaı men Úndistan azamattary úshin 72 saǵattyq vızasyz tranzıt paıda boldy. Shekara beketterin modernızatsııalaý bastaldy. Sheteldik avıakompanııalardy elimizdiń 11 qalasyna kelip, jolaýshylardy qabyldaı alatyndaı etip iske qosýdy bastadyq (Open Sky rejımi) «, - dedi alqa májilisi barysynda Mádenıet jáne sport vıtse-mınıstri Ǵabıdolla Ábdirahymov.
Onyń aıtýynsha 2021 jyly vızasyz kire alatyn elderdiń tizimin 90-ǵa deıin keńeıtý josparlanǵan. Elektrondy vıza alý protsesin jeńildetý úshin sheteldikterge vızasyz rejım usynysy da daıyndalýda.
«Sonymen qatar biz 160 qonaqúıde pılottyq rejımde E-Qonaq júıesin engizýdi aıaqtadyq. Endi osy júıeniń arqasynda kez-kelgen sheteldik týrıstke bólek tirkelýdiń qajeti joq. Munyń bári azamat qonaq úıge kirip úlgergen kezde avtomatty túrde bolady», - dedi ol.