Qazaqstanǵa ýrandy artyǵymen óndirip naryqqa shyǵarýdyń qajeti joq - Bozymbaev
«Qazaqstan bıyl ýran óndirý kólemin 10 paıyzǵa tómendetedi. Ol óz nátıjesin berip te jatyr. Ýrannyń álemdik naryqtaǵy baǵasy kóterilýde. Al endi jyl sońyna deıin qandaı protsesster bolatyndyǵyna taldaý jasaǵanymyzdan keıin tıisti sheshim qabyldaýǵa naqty múmkindik alamyz. Qazir dempıng jasaýǵa, ýrandy artyǵymen óndirip, naryqqa shyǵarýǵa eshqandaı múmkindik joq jáne qajet te emes», - dedi mınıstr depýtattardyń saýalyna oraı.
Aıta keteıik, 2016 jyly ýran óndirisiniń kólemi 24 070 tonnany qurap, 2009 jylmen salystyrǵanda 76 paıyzǵa ósim kórsetti .
Al 2017 jyldyń qańtarynda respýblıkada ýran óndirisiniń kólemin 10 paıyzǵa ıaǵnı, 22 myń tonnaǵa deıin tómendetý týraly sheshimi qabyldandy. Bul álemdik óndiristiń 3 paıyzyn quraıdy. Osy sheshimniń nátıjesinde álemdik naryqtaǵy ýran baǵasy 20 paıyzǵa qymbattap otyr.
Esterińizge sala ketsek, Qazaqstan barlanǵan ýran qory boıynsha álemde ekinshi orynda tur. Barlanǵan álemdik qordyń shamamen 12 paıyzy elimizdiń jer qoınaýynda shoǵyrlanǵan.