Qazaqstanǵa Úndistannan arnaıy reıspen QR azamattary jáne dári-dármek jetkizildi
23:42, 18 Sáýir 2020
ALMATY. QazAqparat - Úndistanda operatsııalardyń júrgizilýin kútip otyrǵan Qazaqstan azamattarynyń ótinishi boıynsha Úndistandaǵy Qazaqstan Elshiliginiń kómegimen QR Densaýlyq saqtaý jáne Syrtqy ister mınıstrlikteri «SCAT» avıakompanııasynyń bortynda dári-dármekter men jabdyq bar arnaıy charterlik reıs uıymdastyrdy. Bul týraly QazAqparat QR Syrtqy ister mınıstrligine silteme jsap habarlaıdy.
COVID-19 epıdemııasyna baılanysty eki eldiń arasynda azamattyq áýe qatynasynyń toqtatylýyna qaramastan qazaqstandyq dıplomattar úndilik tarappen birlese otyryp, bizdiń azamattardy Chennaı jáne Mýmbaı arqyly odan ári Qazaqstanǵa jetkizý úshin ýaǵdalasty.
Osylaısha 18 sáýirde Almaty qalasyna 6 Qazaqstan azamaty ákelindi.
Sonymen birge úndilik taraptyń bastamasymen elimizge osy reıspen gýmanıtarlyq kómek retinde koronovırýsqa qarsy 30 myń dári-dármek jetkizildi.
QR SІM Úndistan úkimetine dostyq nıeti úshin alǵys bildiredi jáne osy bastama eki eldiń arasyndaǵy strategııalyq áriptestik rýhyna tolyq sáıkes keletindigin atap ótedi.