Qazaqstanǵa tórtinshi munaı óńdeý zaýyty nelikten kerek ekeni aıtyldy

ATYRAÝ. QazAqparat - QR Energetıka vıtse-mınıstri Maǵzum Myrzaǵalıev Atyraýda Soltústik Kaspıı jobasynyń 25 jyldyǵyna arnalǵan saltanatty sharada Qazaqstanǵa tórtinshi munaı óńdeý zaýyty nelikten kerek ekenin túsindirdi, dep habarlaıdy QazAqparat tilshisi.

«MÓZ qurylysy aıtarlyqtaı uzaq merzimdi protsess. Sonymen qatar qymbat ári muqııat esepteýdi qajet etedi. Zaýyt qurylysyn negizdeýde bizdiń ekonomıkanyń ósimi, halyq sanynyń ósýi, eksport áleýeti sekildi kóptegen faktorlardy eskerýge tıispiz. Eger búginde, eki zaýytty qaıta qalpyna keltirý aıaqtalǵan soń ózimizdi benzınmen qamtamasyz etip jatyrmyz. Biraq únemi bulaı jalǵasa bermeıdi. Suranys arta túsedi», - deıdi M. Myrzaǵalıev.

«Sonymen qatar jańa zaýyt qýaty týraly suraqtarǵa jaýap izdep jatyrmyz. Ol resýrstarǵa  jaqyn mańda ornalasa ma, álde suranys kóp jerge salý qajet pe - osy máselelerdi qarastyryp jatyrmyz», - dedi vıtse-mınıstr.

Foto: kmg.kz