Qazaqstanǵa tórt eldiń áskeri kele jatyr: Qorǵanys mınıstrligi el turǵyndaryna eskertý jasady
20:59, 18 Qyrkúıek 2024
<p>ASTANA. KAZINFORM - 2024 jylǵy 26 qyrkúıek pen 7 qazan aralyǵynda Almaty oblysynyń «Jaǵalaý» oqý polıgony bazasynda UQShU Ujymdyq bitimgerlik kúshteriniń «Myzǵymas baýyrlastyq-2024» komandalyq-shtabtyq oqý-jattyǵýyn ótkizý josparlanǵan.</p>
QR Qorǵanys mınıstrligi baspasóz qyzmetiniń habarlaýynsha, oqý-jaýyngerlik tapsyrmalardy pysyqtaý maqsatynda oqý-jattyǵý ótetin jerge 18 qyrkúıekten bastap Belarýs, Qazaqstan, Qyrǵyzstan, Reseı jáne Tájikstannyń áskerı kontıngentteri aralas tásilmen kele bastaıdy. Almaty jáne Jetisý oblystarynyń aýmaǵy arqyly áskerı qyzmetshilerdiń qozǵalysy temir jol jáne avtomobıl kóligimen júzege asyrylatyn bolady.
«Osyǵan baılanysty, azamattar men BAQ ókilderinen áleýmettik jelilerde taratylatyn qaýesetterge mán bermeı, tek resmı aqparat kózderine senýin suraımyz»,-delingen habarlamada.
Osyǵan deıin senator Andreı Lýkınniń áskerı qyzmetshilerge arnalǵan jeńildikterdi qaıtarýdy usynǵany týraly jazdyq.