Qazaqstanǵa táýelsizdik jyldarynan beri Ózbekstannan 514 myń oralman kelgen
Bulardyń sany 514 myń adamdy quraıdy. Búgin QR Parlamenti Májilisinde «Nur Otan» HDP Fraktsııasy janyndaǵy Áleýmettik keńestiń otyrysy barysynda Eńbek jáne halyqty áleýmettik qorǵaý vıtse-mınıstri Serik Ahmetov osylaı málim etti. Esterińizge sala keteıik, jıyn «Memlekettiń oralmandarǵa qyzmet túrlerine qol jetkizýdi qamtamasyz etý salasyndaǵy áleýmettik saıasaty» taqyrybynda ótken bolatyn.
Vıtse-mınıstrdiń aıtýynsha, táýelsizdik jyldarynan beri Qazaqstanǵa kelip jatqan etnıkalyq qazaqtardyń negizgi bóligin úsh memleket quraıdy. Bular : Ózbekstan - kelýshiler sany - 514 myń adam, Mońǵolııa - 114 myń jáne Qytaı - 95 myń adam. «Qazaqstanǵa turaqty turýǵa kelip jatqan oralmandardyń basym bóligi ózderi shyqqan elderge jaqyn óńirlerge ornalasqysy keledi. Máselen, Reseıden kelgender soltústik óńirlerge, Ózbekstannan oralǵandar - ońtústikke, Mońǵolııadan kelgender Shyǵys Qazaqstanǵa qonystanady», - deıdi S. Ahmetov.