Qazaqstanǵa taýar ákelýde geosaıası jaǵdaı qalaı áser etip jatyr

NUR-SULTAN. QAZAQPARAT – Elimizge syrttan taýar jetkizýde qazirgi geosaıası jaǵdaıdyń áseri qandaı? Bul máselege qatysty QR Saýda jáne ıntegratsııa mınıstrliginiń tehnıkalyq retteý jáne metrologııa komıteti tóraǵasynyń orynbasary Qýanysh Elikbaev túsinik berdi, dep habarlaıdy QazAqparat tilshisi.

«Geosaıası jaǵdaıǵa baılanysty taýar tasymaldaý men jetkizýde ózgeris bolyp jatyr. ıAǵnı, syrttan keletin taýarlardyń túpkilikti quny, kólemi jáne jetkizý boıynsha ózgerister baıqalyp otyr. Búginde kórshi elderde tutyný taýarlary, hımııalyq zattar men jabdyqtar jetispeýshiligi bar. Sondyqtan kásipkerler marshrýttardyń ózgeretinin aıtyp jatyr. Kásipkerler buǵan deıin taýarlardy Reseıden satyp alsa, endigi ýaqytta Batys jáne basqa da elderden ákelýge májbúr», - dedi Qýanysh Elikbaev BAQ ókilderimen ótken baspasóz máslıhatynda.

Sondaı-aq, komıtet basshysynyń orynbasary logıstıka boıynsha da sońǵy ýaqytta jaǵdaıdyń ózgergenin tilge tıek etti.

Buǵan deıin Qyrǵyzstannan turmystyq elektr quraldaryn zańsyz ákelgenderge 1,8 mln teńge aıyppul salynǵany aıtyldy .

Odan bólek, Qazaqstanǵa syrttan keletin taýarlarǵa baqylaýdyń qalaı júretini túsindirildi .