Qazaqstanǵa tatardyń sapasyz sary maıy qaıdan keldi
Onyń aıtýynsha, keńes músheleri respýblıkanyń birqatar aımaqtarynda tekseris ótkizip shyqty. Al saraptamaǵa qazaqstandyq mamandar ǵana emes, reseılik mamandar da atsalysty. Máselen, Qaraǵandy qalasynda satyp alynǵan «Elshanskıı» óniminde maıdyń úlesi 72,5 paıyz emes, 44,3 paıyz bolyp shyqty. Týra sol sary maı Oral men Qostanaıda satylǵan. Al Tatarstannyń «VAMIN» atty sary maıynyń quramynda múldem basqa maılar anyqtaldy. Onda sút maıynyń úlesi tek 18,2 paıyzdy ǵana qurady. «Osylaısha, óndirýshiler taýardyń qaptamasyna jalǵan aqparatty basyp, tutynýshylardyń quqyqtaryn buzady, xalyqtyń densaýlyǵyna qaýip tóndiredi. Al sary maıdyń sapasy tómen bolǵannan keıin baǵasyn da arzandatyp qoıady. Qaptamadaǵy aqparatqa sengen tutynýshylar sonyń bárin satyp ala salady», - deıdi Ábildın.
Keńes basshysynyń sózine qaraǵanda, olar «VAMIN» markasynyń Qazaqstandaǵy resmı dıstrıbıýtoryn izdep kórgen. Biraq taba almady. Al Reseıde atalǵan markaǵa tıesili zaýyt bankrot bolyp shyqty. «Demek, ol taýardy zańsyz túrde shyǵaryp jatyr. Qazirgi kezde biz tıisti xatardy ázirlep, Bas prokýratýraǵa, Memlekettik kirister komıteti men Tutynýshylar quqyqtaryn qorǵaý komıtetine jiberýdi josparlap otyrmyz», - dep atap kórsetti keńes basshysy.
Alaıda QR Ulttyq ekonomıka mınıstrligi Tutynýshylar quqyqtaryn qorǵaý komıteti tóraǵasynyń orynbasary Nurqan Sádýaqasovtyń oıynsha, «VAMIN»-niń jasyryn tsexy Qazaqstanda ornalasýy ábden múmkin. «Biz reseılik áriptesterimizge saýal joldaǵan bolatynbyz. Olardyń jaýabyna sáıkes, ondaı kásiporyn 2013 jyldan beri jumys istemeıdi. Demek, bireýler qaptamany zańsyz qoldanyp júr. Ondaı jaǵdaı Reseıde de bolǵan. Olar qazaqstandyq bir kompanııanyń zańsyz ónimin anyqtady. Sóıtse, qaptama sol jerde qoldan jasalyp, taýar zańsyz satylǵan», - deıdi Sádýaqasov.