Qazaqstanǵa saıahattaǵan týrıster sany qansha

ASTANA. QazAqparat – Bıylǵy qańtar-naýryz aralyǵynda elimizge 227,7 myń sheteldik týrıst kelgen, dep habarlaıdy QazAqparat.

Mádenıet jáne sport mınıstrliginiń baspasóz qyzmetinen málim etkendeı, bul ótken jylmen salystyrǵanda 130 myń adamǵa nemese 2,3 ese kóp. Byltyr Qazaqstanǵa 97 myń sheteldik kelgen.

Alǵashqy toqsanda ishki týrıster sany da 20% artqan. Qańtar-naýryz aralyǵynda 1 mln 348 myń qazaqstandyq el ishinde saıahattaǵan.

«Byltyr elimizge 1 mıllıonǵa jýyq sheteldik týrıst keldi. Bıyl bul kórsetkish 1,4 mıllıonǵa deıin artady dep kútilýde. Bul sheteldik qonaqtardyń Qazaqstanǵa týrıstik baǵyt retinde qyzyǵýshylyǵynyń artyp kele jatqanyn kórsetedi. Máselen, jaz bastalǵaly Qazaqstanǵa kelgen sheteldikter sany 3 ese artty», - dedi QR MSM Týrızm ındýstrııasy komıtetiniń tóraǵasy Dastan Ryspekov.