Qazaqstanǵa Reseıden sanıtarlyq ushaqpen eki aılyq bala jetkizildi

NUR-SULTAN. QazAqparat - Qazaqstannyń Ombydaǵy Konsýldyǵynyń járdemimen jergilikti balalar klınıkalyq aýrýhanasynan densaýlyǵy nasharlaǵan eki aılyq sábı sanıtarlyq avıatsııa bortymen Nur-Sultanǵa jetkizildi.

Bul týraly QazAqparat QR Syrtqy ister mınıstrliginiń Telegram arnasyna silteme jasap habarlaıdy.

Reısti QR Syrtqy ister jáne Densaýlyq saqtaý mınıstrlikteri uıymdastyrdy.

Náreste elordaǵa jetkizilgenge deıin mamandar onyń dıagnozyn aldyn-ala zerttep, kelgen soń, birden jedel emdeýdi bastady.

Náresteniń qazirgi jaǵdaıy turaqty. Elimizdiń medıtsına qyzmetkerleri emdeýdiń tolyq baǵdarlamasyn júrgizetin bolady.