Qazaqstanda Reseı salatyn mektepterde reseılik muǵalimder jumys istemeıdi - SІM

<p>ASTANA. KAZINFORM &ndash; Syrtqy ister mınıstrliginiń resmı ókili Aıbek Smadııarov kezekti brıfıngide elimizdiń ońtústik óńirlerinde Reseı esebinen salynatyn mektepterde reseılik pedagogter jumys istemeıtinin málim etti.&nbsp;</p>

«Mektep salynatyny ras. Ony ózderińiz bilesizder. Eki memleket basshylarynyń saparlary kezinde talaı talqylandy. Onyń bári jazyldy. Biraq muǵalimder alyp keledi nemese basqa pedagogter keledi degen aqparat shyndyqqa janaspaıdy. Óıtkeni ol jalǵan aqparat», - dedi resmı ókil.

Sondaı-aq, ol Reseı tarapy ondaı málimetterdi óz resýrstarynan óshirip jatqanyn atap ótti.

«Qazirgi tańda Reseı tarapy ol aqparatty ózderiniń saıttarynan alyp tastady – jalǵan bolyp shyqqan ǵoı. Demek, Reseı esebinen mektepter salynady. Biraq búkil kadrlar ózimizdiki bolady. Reseıden eshqandaı da muǵalim kelmeıdi», - dedi Aıbek Smadııarov.