Qazaqstanǵa Pragadan 40 bas Prjeval jylqysy ákelinbek

PRAGA. QazAqparat – Chehııa Respýblıkasynyń Praga qalasynda Prjeval jylqysyn Qazaqstanǵa jersindirý jobasyn josparlaý boıynsha halyqaralyq semınar ótti, dep habarlaıdy QazAqparat.

Ekologııa jáne tabıǵı resýrstar mınıstrliginiń málimetinshe, semınar Praga haıýanattar baǵy osy jyldyń sáýir aıynda QR men Chehııa Úkimetteri arasynda qol qoıylǵan Qazaqstandaǵy jabaıy jylqylar popýlıatsııasyn jandandyrý jónindegi uzaqmerzimdi yntymaqtastyq týraly memorandým aıasynda uıymdastyrylǵan.

Іs-sharaǵa Berlın, Nıýrnberg jáne Býdapesht haıýanattar baǵynyń, Frankfýrt zoologııalyq qoǵamynyń, Qazaqstannyń bıoalýantúrliligin saqtaý qaýymdastyǵynyń (ASBK), Hortobag ulttyq parkiniń (Vengrııa) jáne úlken Gobıı qoryǵynyń (Mońǵolııa)ókilderi qatysty.

Qazaqstandyq delegatsııany Ekologııa jáne tabıǵı resýrstar Birinshi vıtse-mınıstri Nurken Shárbıev basqardy.

Qatysýshylar jylqylardyń birinshi tobyn 2024 jyly elimizge tasymaldaýdyń egjeı-tegjeıli josparyn talqylady.

Aıta ketý kerek, janýarlardy jetkizý máselesin Praga zoobaǵy men Chehııa Respýblıkasynyń Qorshaǵan ortany qorǵaý mınıstrligi birlesip qamtamasyz etpek.

Qazaqstanǵa jylqylardy jersindirý úshin «Altyn Dala» memlekettik tabıǵı rezervatynyń aýmaǵy tańdaldy. Janýarlar beıimdelýdiń birinshi jylyn Qazaqstannyń bıoalýantúrliligin saqtaý qaýymdastyǵynyń reıntrodýktsııalaý ortalyǵynda ótkizedi.

Barlyǵy Eýropadan Qazaqstanǵa 40-qa jýyq janýar ákelý josparlanǵan.

Aıta keteıik, Qazaqstan mamandary Chehııadan Prjeval jylqysyn ákelip, qazaq dalasynda tuzdaı quryp ketken tól tuqymdy qaıta jandandyrmaq nıette ekenin jazǵan edik.