Qazaqstanǵa Polsha prezıdenti keledi
Gúlshara Ábdiqalyqova EKSPO-2017 aıasynda Qazaqstanǵa kelgen polıak delegatsııasyna alǵysyn bildirip, eki eldiń arasynda saıası-ekonomıkalyq baılanystardyń oıdaǵydaı nyǵaıyp kele jatqanyn jetkizdi.
«Byltyr Qazaqstan basshysy Polshaǵa resmı saparmen baryp kelgen. Ol sapar óte tıimdi boldy. Endi, aǵymdaǵy jyly qyrkúıek aıynda biz Polsha prezıdenti - Dýda myrzany. Ol sapar da mańyzdy oqıǵa bolady», - dedi Ábdiqalyqova.
Memlekettik hatshy ekonomıka salasyndaǵy, sondaı-aq mádenı-gýmanıtarlyq baǵyttaǵy sharalarǵa toqtalyp, Polshada 700-den astam qazaqstandyq jastardyń bilim alyp jatqanyn tilge tıek etti. Astana men Varshava arasynadaǵy tikeleı áýe reısiniń ashylýy da ekijaqty baılanystardyń nyǵaıa túsýine óz yqpalyn tıgizýi kerek.
«Budan bólek, Polshany 2018-2019 jyldarǵa BUU Qaýipsizdik keńesiniń turaqty emes múshesi retinde saılanýymen quttyqtaımyz. Biz atalǵan mindetti 2017-2018 jyldarǵa moınymyzǵa aldyq. Osy uıymnyń aıasynda tyǵyz jumys jasaımyz dep senemiz. Sondaı-aq, Polsha parlamentiniń Qazaqstan men Eýropa arasyndaǵy keńeıtilgen áriptestik týraly kelisimdi ratıfıkatsııalaǵany úshin erekshe alǵysymyzdy aıtamyz. Polsha jaǵy atalǵan qujatty birden rásimdedi», -dep atap kórsetti Memlekettik hatshy.