Qazaqstanǵa Ońtústik Koreıanyń alpaýyt kompanııalarynyń ókilderi keledi

<p>ASTANA. KAZINFORM &ndash; Koreıa Respýblıkasynyń Prezıdenti ıÝn Sok Eldiń Qazaqstanǵa memlekettik saparyna oraı 12 maýsym kúni elordada qazaq-koreı bıznes-forýmy ótedi.</p>

Aldyn ala málimetter boıynsha forýmǵa eki eldiń memleket basshylary, sondaı-aq iskerlik keńestiń teń tóraǵasy retinde «Samuryq-Qazyna» AQ basqarma tóraǵasy Nurlan Jaqypov pen Koreıanyń halyqaralyq saýda qaýymdastyǵynyń tóraǵasy Djın Sık ıÝn qatysady.

Plenarlyq otyrys barysynda Hyundai Motor Russia&CIS óńirlik shtaby basshysynyń orynbasary Im Dje Ý, «Astana Motors» kompanııasynyń bas dırektory Beknur Nesipbaev, Doosan Enerbility vıtse-prezıdenti ıAng ıÝn Ho, «Qazaqstan temir joly» UQ» AQ Basqarma tóraǵasynyń orynbasary Ánýar Ahmetjanov jáne basqa da iri kompanııalardyń basshylyǵy baıandama jasaıdy.

Besnes-forým sońynda birqatar kommertsııalyq qujatqa qol qoıý josparlanǵan.

Osyǵan deıin «Samuryq-Qazyna» AQ bul is-sharaǵa 50-den astam kompanııa qatysatynyn habarlaǵan edi. Olardyń qatarynda Samsung, LS Corporation, Posco Holding bar. Jalpy, forýmǵa eki elden 300-ge jýyq bıznes ókili qatyspaq.

Budan buryn habarlanǵandaı, Memleket basshysy Qasym-Jomart Toqaevtyń shaqyrýymen bıylǵy 11-13 maýsym kúnderi Koreıa Respýblıkasynyń Prezıdenti ıÝn Sok El Qazaqstanǵa memlekettik saparmen keledi.

Eki el basshylary kelissóz júrgizedi jáne qazaq-koreı bıznes-forýmyna qatysady dep josparlanyp otyr.