Qazaqstanǵa Ońtústik Koreıadan gýmanıtarlyq kómek keldi
Búgin «Sanıtarlyq epıdemıologııalyq ekspertıza men monıtorıng» ǵylymı ortalyǵynyń Almaty qalalyq bólimshesine 40 qorap qorǵanys kostıýmderi berildi.
Almatydaǵy QR SІM ókildiginiń jetekshisi Erlan Ysqaqovtyń aıtýynsha, bul júkti koreıalyq kompanııalar Seýlden uıymdastyryp jibergen.
«QR SІM Koreıadaǵy Qazaqstan elshiligi arqyly koreıalyq kompanııalar konsortsıýmy atynan gýmanıtarlyq kómek uıymdastyrdy. Bul konsortsıýmǵa SK Engineering & Construction, Rahat/LOTTE AQ, JSC Shinhan Bank Kazakhstan kiredi. Bul Koreıadan jetken birinshi júk emes. Buǵan deıin Medical Partners Korea Qazaqstan qaladaǵy medıtsınalyq mekemelerge PTR testiler jetkizgen bolatyn», - dedi Erlan Ysqaqov.
Almaty qalasynyń bas sanıtarlyq dárigeri Koreıa tarapyna alǵys bildirdi.
«Biz Koreıalyq áriptesterimizben birige otyryp qalada ozyq tehnologııamen jabdyqtalǵan PTR zerthana ashtyq. COVID 19 dıagnostıkalaýda bul zerthana kóp jumys atqaryp jatyr. Osyndaı testilerdi qazir JITS ortalyǵyna jiberip jatyrmyz», - dedi Bekshın.
Onyń aıtýynsha, qalada PTR testiler jetkilikti.
Qalalyq Qoǵamdyq densaýlyq basqarmasy basshysy Tileýhan Ábildaev osyndaı indet kezinde árbir kómektiń mańyzy arta túsetinin aıtty.
«Qazir Qazaqstan men Almatyda epıdemıologııalyq jáne emdeý profılaktıkalyq sharalar belsendi qolǵa alynyp jatyr. Sonyń arqasynda koronavırýs ınfektsııasyn turaqtandyrý múmkin bolyp otyr. Jedel shtabpen birge júrgizilgen jumystardyń arqasynda ınfektsııany jeńýge bolatynyna senimdimin», - dedi T.Ábildaev.
Aıta ketý kerek, Qazaqstanǵa osy ýaqytqa deıin Qytaı, Polsha, Túrkııa gýmanıtarlyq kómek jasady. Aldaǵy ýaqytta BAÁ, Úndistan, Indıı, Túrkııa, Pákistannan kómek keletini anyqtaldy.