Qazaqstanǵa negizinen qaı eldiń azamattary qonys aýdaryp jatyr

ASTANA. QazAqparat – Qazaqstanǵa qonys aýdarǵandardyń basym bóligi eńbekke qabiletti jasta. Bul týraly Úkimet otyrysynda Kóshi-qon saıasaty tujyrymdasyn iske asyrý barysyn talqylaý kezinde Premer-Mınıstrdiń orynbasary–Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

«Qazirgi geosaıası ahýal jáne Kóshi-qon saıasaty tujyrymdamasynyń sharalaryn atqarý nátıjesinde keıingi 10 jyldyqta alǵash ret kóshi-qon salasynda oń úrdis qalyptasty. Kelgen azamattardyń negizgi geografııasy TMD elderi, Qytaı jáne Mońǵolııa memleketteri. Turaqty turýǵa qalǵan azamattardyń basym kópshiligi eńbekke qabiletti tehnıkalyq (1443 adam), ekonomıkalyq (577 adam), pedagogıkalyq (288 adam) jáne medıtsınalyq joǵary bilimi bar azamattardy qurap otyr», - dedi T. Dúısenova.

Onyń aıtýynsha, ishki kóshi-qon úrdisinde de oń ózgerister baıqaldy. Jyl basynan 160 myńnan astam turǵyn el ishinde qonys aýdardy. Bul rette, iri qalalarǵa kósh tizginin burǵan azamattardyń úles salmaǵy 40 paıyz kóleminde bolǵan.