Qazaqstanǵa medıtsınalyq týrıster kelip jatyr - Ajar Ǵınııat

ASTANA. QazAqparat - Shetelden kelgen naýqastar Qazaqstandaǵy klınıkalarda em qabyldap jatyr. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Elimizde JCI halyqaralyq standarty aıasynda qyzmet kórsete alatyn 10-ǵa jýyq klınıka bar. Olar medıtsınalyq qyzmet sapasy boıynsha halyqaralyq joǵary standartqa sáıkes keledi. Álem boıynsha naýqastar tıisti medıtsınalyq qyzmet túrin qarastyrǵan kezde, bizdiń klınıkalarǵa bılanysqa shyǵyp jatady», - dedi A. Ǵınııat Parlament Májilisindegi Úkimet saǵatynan keıingi baspasóz máslıhatynda.

Osy oraıda ol qolaıly baǵamen sheteldiń medıtsınalyq týrısteri Qazaqstanǵa tartylyp jatqanyn aıtty.

«Bizdegi baǵa qalta kóteretindikten, shetel azamattary em qabyldaýǵa kelip jatady. Pandemııaǵa deıin bes myńǵa deıin sheteldik kardıohırýrgııalyq, neırohırýrgııalyq, stomatologııalyq jáne basqa da baǵyttarda em alýǵa kelip júrdi. Bul klınıkalar memlekettik mekemeler», - dedi mınıstr.