Qazaqstanǵa quny 2,4 mlrd teńge turatyn elektrondy temekini zańsyz ótkizbek bolǵandar ustaldy
20:20, 22 Mamyr 2023
ASTANA. QazAqparat – Qazaqstanǵa zańsyz iri kólemde elektrondy temeki ótkizbek bolǵandar ustaldy, dep habarlaıdy QazAqparat QR Ulttyq qaýipsizdik komıtetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, UQK Shekara qyzmeti Memlekettik kirister departamentiniń qyzmetkerlerimen birge «Dostyq» avtokóliktik ótkizý pýnktinde shekaralyq baqylaý barysynda júk kólikterine tıelgen ilespe qujattary joq iri kólemdegi elektrondyq temekini kirgizýge árekettengen úsh Qazaqstan azamatyn ustady.
Tárkilengen taýardyń quny aldyn ala esep boıynsha 2,4 mlrd teńgeni quraıdy.
«Atalǵan adamdar men júkteri odan ári tekserýdi júrgizý úshin Qarjy mınıstirligi Memlekettik kirister departamentiniń aýmaqtyq bólimshesine berildi»,-delingen QR UQK baspasóz qyzmeti taratqan habarlamada.