Qazaqstanǵa quny 1 trıllıon teńgeden asatyn aktıvter qaıtaryldy
Jyl basynan bastap Sybaılas jemqorlyqqa qarsy qyzmet aıaqtalǵan qylmystyq ister sheńberinde shamamen 195 mlrd teńgeni ótedi.
Sońǵy 2,5 jylda, onyń ishinde olıgopolııalar tarapynan Qazaqstan halqyna 1,09 trln teńge qaıtaryldy.
Esterińizge sala keteıik, buǵan deıin agenttik zalaldy óteý retinde Q. Satybaldyuly qaıtarǵan jyljymaıtyn múlik obektilerin memleketke berý týraly sheshimin habarlaǵan bolatyn.
Olardyń ishinde Almatydaǵy quny 7,9 mlrd teńgeden asatyn «Kaisar Tower» bıznes-ortalyǵy bar, ol Qazaq ulttyq qyzdar pedagogıkalyq ýnıversıtetiniń qaramaǵyna berilgen. Sonymen qatar, T. Júrgenov atyndaǵy «Qazaq ulttyq óner akademııasy» RMM teńgerimine quny 800 mln teńgeden asatyn ákimshilik ǵımarat berildi.
Elordada quny 5 mlrd teńgeden asatyn úsh záýlim saraı múgedek balalarǵa arnalǵan Astana qalasy ákimdiginiń «Psıhologııalyq-pedagogıkalyq túzetý kabıneti» KMM-ne berildi. Bul bilim berý jaǵdaılaryn edáýir jaqsartýǵa jáne shyǵarmashylyq bastamalardyń damýyn qoldaýǵa múmkindik beredi.
Sonymen qatar, halyqaralyq yntymaqtastyq mańyzdy ról atqarady, sonyń arqasynda Avstrııa, Frantsııa, Lıhtenshteın, Ámirlikter, Túrkııa, Reseı jáne basqa elderden Qazaqstanǵa aqsha, baǵaly qaǵazdar, jyljymaıtyn múlik jáne zergerlik buıymdar túrindegi aktıvter qaıtaryldy.
Máselen, Avstrııadan 36,8 mlrd teńge, Lıhtenshteınnen 116,7 mlrd teńge, Túrkııadan 2,2 mlrd teńge, Birikken Arab Ámirlikterinen 6,3 mlrd teńge jáne basqa elderden qaıtaryldy.
Budan basqa, laýazymdyq ókilettikterin teris paıdalanǵany úshin sottalǵan Indýstrııa jáne ınfraqurylymdyq damý eks-vıtse-mınıstri T. Toqtabaevqa qatysty qylmystyq is boıynsha memleket paıdasyna Qostanaı oblysyndaǵy quny 5,6 trln teńgeden asatyn nıkel men kobalttyń iri qorlary bar biregeı «Shevchenkovskoe» ken orny berildi.
Zańsyz satyp alynǵan aktıvterdi qaıtarý boıynsha jumys jalǵasýda.