Qazaqstanǵa kúndelikti keletin reseılikter sany 2 esege artty
«Reseı Federatsııasy azamattarynyń ımmıgratsııasyna toqtala otyryp, kelesi taldaýdy atap ótý qyzyqty dep sanaımyn. 2019 jyly pandemııa bolmaı turǵan kezde Qazaqstanǵa 2 mln 875 myń reseılik keldi. ıAǵnı, sol kezde 3 mıllıonǵa jýyq adam kirdi. Al bıylǵy 9 aıda bul kórsetkish - 1 mln 600 myń. Alaıda, Reseı bıliginiń taıaýdaǵy sheshimderinen keıin ótken aptadan bastap Reseı Federatsııasynan emıgranttar aǵyny kóptegen baǵyttarda, onyń ishinde Qazaqstanǵa da ulǵaıdy», - dedi ol ІІM baspasóz qyzmetindegi brıfıng barysynda.
Onyń dereginshe, osy jylǵy 21 qyrkúıekke deıin Qazaqstanǵa kún saıyn 9-12 myńǵa jýyq reseılik kelip, ketip otyrǵan.
«22 qyrkúıekten bastap Qazaqstanǵa olardyń sany kúnine eki esege artty. Sondyqtan Reseı Federatsııasynyń shekarasy jaǵynan keptelister bolyp jatyr», - dedi Aslan Atalyqov.
Ol qyrkúıekte 40 myńnan astam reseılik Qazaqstan áýejaılary arqyly basqa elderge ushyp ketkenin de atap ótti.
«Áýejaılarymyzdy reseılikter qonys aýdarý úshin paıdalanady. Bul ımmıgratsııa aǵymynyń sebepteriniń biri sanalady. Tranzıtke keletin bolsaq, qyrkúıek aıynyń sońǵy kúnderi ǵana Qazaqstannan Reseı Federatsııasynyń 40 myńnan astam azamaty ketti», - dedi Aslan Atalyqov ІІM baspasóz qyzmetindegi brıfıng barysynda.
Onyń dereginshe, myńdaǵan adam Qazaqstan arqyly ońtústik kórshilerimiz - Qyrǵyzstan men Ózbekstanǵa attandy. 5 kún ishinde 6 myńǵa jýyq reseılik Qazaqstan áýejaılary arqyly ushyp shyqty.
«Kóshi-qon baqylaýyna keletin bolsaq, biz málimdegendeı, zańnama bul protsesterdi jáne sheteldikterdiń Qazaqstanda bolý tártibin retteıdi. Olardyń esebi júrgiziledi. Bolý merzimi baqylanady. Kóshi-qon zańnamasyn buzýshylarǵa kózdelgen den qoıý sharalary qabyldanady», - dedi ol.