Qazaqstanǵa Kýba boksshylary keldi

<p>Qazaqstanǵa bokstan Kýbanyń erler quramasy keldi. Basty maqsat &ndash; Qazaqstan boksshylarymen birlesken oqý-jattyǵý jıynyna jáne Ǵalym Jarylǵapovty eske alýǵa arnalǵan halyqaralyq týrnırge qatysý, dep habarlaıdy <a href="Kazinform" target="_blank" rel="noopener">Kazinform</a> QBF <a href="https://www.instagram.com/p/C0auCUFonil/?utm_source=ig_embed&amp;ig_rid=ca8a46f2-9423-4a65-b4d1-b76292795fb4&amp;ig_mid=9E220C19-8B5B-492F-B281-4A3E7589EDFA&amp;img_index=1" target="_blank" rel="noopener">baspasóz qyzmetine </a>silteme jasap.</p>

Qonaqtar qatarynda barlyǵy 9 bylǵary qolǵap sheberi men eki jattyqtyrýshy bar. Olardyń arasynda Álem chempıonatynyń jáne Panamerıkalyq chempıonattyń qazirgi fınalısteri, kóptegen halyqaralyq týrnırlerdiń jeńimpazdary men júldegerleri bar. Negizgi ekpin olımpıadalyq salmaqqa aýdarylǵan. Kýba quramasynyń bas bapkeri Karlos Manýel Peres Reıestiń aıtýynsha, onyń boksshylarynyń arasynda tájirıbeli sportshylar da, jastar da kezdesedi.

«Biz Qazaqstanǵa birinshi ret kelgen joqpyz. Bizde boksta elder arasynda jaqsy dostyq qalyptasqan. Sondyqtan, komandamyzben birlesken oqý-jattyǵý jıynyn ótkizý, sonymen qatar Ǵalym Jarylǵapovty eske alýǵa arnalǵan dástúrli týrnırde óz ónerlerimizdi kórsetý týraly sheshim qabyldadyq. Men óz atymnan jáne Kýba quramasynyń atynan belgili tulǵalaryńyzdyń qurmetine arnalǵan jarysqa shaqyrǵandaryńyz úshin alǵysymdy bildirgim keledi jáne barlyǵy nátıjeli bolady dep senemin», - dedi kýbalyq boks bapkeri óz suhbatynda.

Qazaqstan quramasynyń bas bapkeri Myrzaǵalı Aıtjanovtyń tárbıelenýshileri men Bostandyq aralynan kelgen qonaqtardyń qatysýymen Qaraǵandy qalasynda 4-16 jeltoqsan aralyǵynda oqý-jattyǵý jıyny ótedi.

17 jeltoqsanda Qaraǵandyda Qazaq KSR eńbek sińirgen jattyqtyrýshysy Ǵalym Jarylǵapovty eske alýǵa arnalǵan HHHІH halyqaralyq týrnır bastalady. Erler men áıelder arasyndaǵy úzdikter 21 jeltoqsanda anyqtalady.