Qazaqstanǵa koronavırýsty zertteýde Robert Koh ınstıtýty kómektesedi
Aıta ketsek, buǵan deıin Densaýlyq saqtaý mınıstri Alekseı Tsoı DDSU-nyń Eýropalyq bıýrosy júrgizgen tehnıkalyq keńesti esepke ala otyryp, Qazaqstanda KVI jaǵdaılaryn kodtaý men tirkeýde halyqaralyq aýrýlar kvalıfıkatsııasynyń jańa kodyna ótý týraly sheshim qabyldanǵanyn habarlaǵan edi.
«COVID-19 jaǵdaılaryn tirkeýdiń jańa amalyn qoldaný juqtyrýy múmkin patsıentterdi túgel qamtyp, statıstıkalyq amal-ádisterdiń ashyqtyǵyn qamtamasyz etýge múmkindik beredi. Biz DDSU-nyń keńesin tolyq qoldanýǵa daıynbyz», - dedi Alekseı Tsoı OKQ-da ótken baspasóz máslıhatynda.
DDSU-nyń Eýropa bıýrosynyń sarapshylary tehnıkalyq keńes barysynda Qazaqstan DDSU zerthanasynda Germanııadaǵy Robert Koh ınstıtýtynda referentti zertteý júrgizý boıynsha DDSU Eýropa bıýrosymen kelisimge kelgen.
«Bul koronavırýs pandemııasyna qarsy kúreste bizdiń memleket ashyq saıasat júrgizetinin kórsetedi. Biz DDSU keńesin basqa memleketter de qoldanady degen úmittemiz», - dedi ol.