Qazaqstanǵa kelýshiler sany 58 paıyzǵa artty
«2022 jylǵy qańtar-maýsymda Qazaqstanǵa kelgender sany 2021 jylǵy qańtar-maýsymmen salystyrǵanda 58,6 paıyzǵa artty. Qazaqstannan ketkender sany 13 paıyzǵa azaıdy. Elimizdegi negizgi kóshi-qon almasýy TMD memleketterimen oryn alýda. TMD elderinen kelgenderdiń jáne sol elderge ketkenderdiń úlesi 84,5 jáne tıisinshe 83 paıyzdy qurady. El ishinde qonys aýdaratyn kóship-qonýshylar sany 1,4 paıyzǵa kemidi. Óńiraralyq qonys aýdarý boıynsha halyq kóshi-qonynyń oń aıyrymy elimizdiń 3 óńirinde baıqaldy: Nur-Sultan (15753 adam), Almaty (17691 adam) jáne Shymkent (1883 adam)», - dep atap ótedi bıýrodan.
Jeke etnostyq toptar boıynsha syrtqy kóshi-qon qurylymynda kelgenderdiń jalpy sanynyń 50 paıyzyn qazaqtar, 17,9 paıyzyn orystar, 4,7 paıyzyn ózbekter, 2 paıyzyn ýkraındyqtar, 1,4 paıyzyn tatarlar, 1,2 paıyzyn nemister quraıdy. Al Qazaqstannan ketkenderdiń 5,8 paıyzy - qazaqtar, 65,8 paıyzy - orystar, 0,7 paıyzy – ózbekter, 7,3 paıyzy – ýkraındyqtar, 2,6 paıyzy – tatarlar, 10 paıyzy – nemister.