Qazaqstanǵa kelgen sheteldik týrıster sany 21,8% ósken

ASTANA. QazAqparat - 2018 jyldyń qańtar-shilde aralyǵynda Qazaqstanǵa kelgen sheteldik týrıster sany 4,2 mln adamdy qurap, byltyrǵydan 21,8% ósken, dep habarlaıdy QazAqparat tilshisi energyprom.kz saıtyna silteme jasap. 

Zertteýde atalyp ótkendeı, I jartyjyldyqta týrıstik aǵyn aıtarlyqtaı artqan. Atap aıtqanda, elden ketken týrıster sany 7,1%-ǵa artyp, 5 mıllıon adamǵa deıin jetken, al kelýshiler sany 21,8%-ǵa, 4,2 mln adamǵa deıin ósken. Budan bólek, ishki týrızm de damyp, týrıster sany 7%-ǵa (2,4 mln adam) artqan.

Qonaqúıler, otelder, kempıngter men basqa da oryndar birinshi jartyjyldyqta 2,3 mıllıon qonaqqa qyzmet kórsetken. Bul byltyrǵydan 4,8% kóp. Sonymen qatar, olardyń qyzmet kórsetý kólemi 0,1% qysqarǵan.

Jartyjyldyqtyń qorytyndysy boıynsha, Qazaqstanda otelder men qonaqúılerdiń sany 3,2 myńǵa jetip, ótken jylǵydan 10,8% kóbeıgen. Sondaı-aq, ondaǵy oryndar sany da 8,1%, 160 myńǵa deıin artqan.