Qazaqstanǵa kelgen reseılikter azyq-túlik qaýipsizdigine qaýip tóndirmeıdi – Saýda mınıstri

ASTANA. QazAqparat – Sońǵy aptada Qazaqstanǵa kelgen reseılikter elimizdiń azyq-túlik qaýipsizdigine aıtarlyqtaı áser etpeıdi. Bul týraly Premer-Mınıstrdiń orynbasary - Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Elimizge kelgen jáne osynda qalǵan adamdardy esepke alsaq, olardyń sany asa kóp emes. ıAǵnı bul adamdar elimizdiń azyq-túlik qaýipsizdigine áser ete qoımaıdy. Óńirler boıynsha birshama dısproportsııa bolýy múmkin. Atap aıtqanda, biz osy máseleni sheship jatyrmyz», - dedi S. Jumanǵarın Senatta tilshiler saýalyna jaýap bere otyryp.

Mınıstr osy máselege qatysty memlekettik jáne quqyq qorǵaý organdarymen tıisti keńes ótkizgenin atap ótti.

Budan buryn habarlanǵandaı, 28 qyrkúıek kúni Іshki ister mınıstriniń birinshi orynbasary Marat Qojaev Qazaqstanǵa kelgen reseılikterdiń 65 paıyzy basqa memleketterge ketkenin aıtty.

«Shekara qyzmetinde naqty derekter bar. 100 myńǵa tarta adam kelse, búginde 65 paıyzǵa jýyǵy elden shyqty. Keshegi derek boıynsha 64 myńnan astamy elimizden tys aýmaqqa ketti», - dedi M. Qojaev.