Qazaqstanǵa keletin sheteldik mamandar negizinen Qytaı, Túrkııa, Ulybrıtanııa, Úndistan jáne Italııa elderiniń azamattary
Bul týraly búgin Astanada eńbek mıgratsııasy máselesine arnalǵan semınarda QR Eńbek jáne halyqty áleýmettik qorǵaý vıtse-mınıstri Birjan Nurymbetov aıtty.
«Bizdiń elimizde sheteldik jumys kúshin tartý máselesi bar. Bul rette bizdiń Úkimet óziniń saıasatyn ustanyp otyr. Bul baǵyttaǵy saıasattyń qaǵıdattary birinshi kezekte ishki eńbek naryǵyn qorǵaýǵa negizdelip otyr. Biraq ta búginde Qazaqstanda údemele ındýstrııaldyq-ınnovatsııalyq baǵdarlamany iske asyrýǵa baılanysty shetelden joǵary bilikti mamandardy tartýǵa múddelimiz»,-dedi B. Nurymbetov.
Osy oraıda ol sheteldik jumys kúshin Qazaqstanǵa tartý, ıaǵnı sheteldik eńbek kúshiniń sany boıynsha kvotany belgileý jáne elimizde jumys isteýge arnalǵan ruqsatnama tártibin belgileý sharalarmen retteletinin eske salyp ótti.
«Búginde elimizdegi kvotanyń mólsheri ekonomıkalyq belsendi halyq sanynyń 0,85 paıyzyn quraıdy. Bul absalıýttik deńgeıde 2011 jyly 72 myń sheteldiń jumysshynyń Qazaqstanda jumys isteýge bolatynyn bildiredi»,-dedi vıtse-mınıstr.
Onyń sózine qaraǵanda, qazirgi kezde ruqsatnamany alyp, jumys istep jatqan sheteldik mamandardyń sany 29 myńǵa jetip otyr.
Aıta keteıik, elimiz zańnamasynda joǵary bilikti mamandardy tartýda jeńildikter aıqyndalǵan. «Al jumysshy mamandar boıynsha talaptar qatań retteledi. Osy oraıda Qazaqstanda qyzmet istep júrgen sheteldik jumys kúshteriniń arasynda joǵary bilikti mamandardyń úlesi 75 paıyzdy quraıdy»,-dep naqtylap ótti vıtse-mınıstr.
Elimizge kelip jatqan sheteldik mamandar álemniń 100-den astam memleketiniń ókilderin quraıdy. Onyń ishinde 90 paıyzy alys shetelden keletin mamandar. Osyndaǵy alǵashqy bestikte Qytaı, Túrkııa, Ulybrıtanııa, Úndistan jáne Italııa elderiniń azamattary tur.