Qazaqstanǵa kele jatqan AQSh Memlekettik hatshysy áýejaıdan sýret jarııalady

ASTANA. QazAqparat – Qazaqstanǵa alǵash jumys saparymen kele jatqan AQSh Memlekettik hatshysy Entonı Blınken áýejaıdan túsirilgen sýretin tvıtterde jarııalady, dep habarlaıdy QazAqparat.

«Bul meniń Qazaqstan men Ózbekstanǵa memlekettik hatshy retindegi alǵashqy saparym jáne men Ortalyq Azııamen yntymaqtastyq qarym-qatynasymyzdyń ary qaraı damýyn taǵatsyzdana kútemin. Sol jaqtan Úndistanǵa G20 kezdesýine baramyn», - dep jazdy ol tvıtterde.

Buǵan deıin belgili bolǵandaı 28 aqpanda AQSh Memlekettik hatshysy Entonı Blınken Qazaqstanǵa óziniń alǵashqy saparyn jasaıdy. Astanada bolýy barysynda Memlekettik hatshyny Qazaqstan Respýblıkasynyń Prezıdenti Qasym-Jomart Toqaev qabyldaıdy jáne QR Premer-Mınıstriniń orynbasary – Syrtqy ister mınıstri Muhtar Tileýberdi onymen ekijaqty kelissózder ótkizedi.

Qazaqstannan keıin E. Blınken Tashkentke barady, onda ol birqatar ekijaqty jáne aımaqtyq deńgeıdegi áriptestikti odan ári jyljytý máseleleri boıynsha Ózbekstannyń resmı tulǵalarymen birqatar kezdesýler ótkizedi. 1 naýryz kúni Memlekettik hatshy G20 elderiniń syrtqy ister mınıstrleriniń kezdesýine qatysý úshin Nıý-Delıge attanady.