Qazaqstanǵa iri kólemde zańsyz uıaly telefon engizbek bolǵan azamat qolǵa tústi
06:17, 27 Sáýir 2019
NUR-SULTAN. QazAqparat - Qordaı shekara otrıadynyń shekarashylary el aýmaǵyna 1 500 000 teńgeniń kontrabandalyq telefondaryn jáne jalpy kólemi 108,3 lıtr alkogol ónimderin zańsyz engizýge tosqaýyl qoıdy. Bul týraly QR UQK Shekara qyzmetiniń baspasóz qyzmeti habarlady.
Shekara narıady Qyrǵyzstannan ruqsat qujaty joq 26 dana «Xiaomi» markaly telefonyn (jalpy quny 1 500 000 teńge) alyp kele jatqan 1979 jylǵy Qazaqstan azamatyn ustady. Zańsyz taýar aktilenip, Qordaı aýdandyq Memlekettik kirister departamentine tapsyryldy.
Sonymen qatar, bir qazaqstandyq jáne eki qyrǵyz azamaty elimizge jalpy kólemi 108,3 lıtr ártúrli alkogol ónimderin alyp kirmek bolǵany úshin ustaldy.