Qazaqstanǵa ımporttalatyn taýarlar baǵasy qymbattady

ASTANA. QazAqparat - Aǵymdaǵy jyldyń qańtar-naýryzynda eksporttalatyn taýarlarǵa baǵa 0,7, al ımporttalatyn taýarlarǵa 1,5 paıyzǵa ósti, dep habarlaıdy QazAqparat tilshisi.

QR Ulttyq ekonomıka mınıstrligi Statıstıka komıtetiniń málimetinshe, jyl basynan bergi kezeńde eksporttyq jetkizilimder baǵasy marganets kenderine - 19,1, temir kenderine - 16,7, mysqa - 9,1, myryshqa - 4,9, kómirge - 3,5, munaıǵa 0,8 paıyzǵa joǵarylap,  ferroqorytpalarǵa - 5,6, hrom kenderine - 3,9, qara metall kenderine 2,6 paıyzǵa tómendedi. Baǵanyń maqtaǵa 4 paıyzǵa joǵarylaýy, olardyń júnge - 1,8, arpaǵa - 1,6, bıdaıǵa 0,9 paıyzǵa tómendeýi tirkeldi.

«Importtalatyn ónimderden temeki - 22,9, balyq - 2,4, kókónister - 2,3, sút ónimderi 1,7 paıyzǵa qymbattady. Kofe - 5, qant - 4,6, kakao - 3,8, qus eti - 1,7, margarın 1,5 paıyzǵa arzandady. Baǵa bylǵaryǵa - 4,2, toqyma buıymdaryna - 3,5, qurylys materıaldaryna - 2,2, súrekke - 1,6, plastmassaǵa 1,5 paıyzǵa joǵarylady», - delingen taratylǵan málimette.