Qazaqstanǵa ımporttalatyn taýardyń 40,8%-y Reseıden keledi

NUR-SULTAN. QazAqparat – 2021 jyldyń birinshi jartysynda Qazaqstan men Reseı arasyndaǵy taýar aınalymy 10,7 mlrd dollarǵa jetti. Bul byltyǵyrdan 26,7% artyq, dep habarlaıdy QazAqparat Finprom.kz silteme jasap.

Aradaǵy alys-beriste Reseıdiń ımporty basym – 69,6%. Qańtar maýsym aralyǵynda Qazaqstan Reseıden 7,5 mlrd dollardyń taýaryn ımporttaǵan. Onyń jyldyq kólemi byltyrǵydan 19,2% artyq degen sóz. Al Reseıge ótkizgen eksporttyń quny 3,3 mlrd dollar.

«Bul byltyrǵydan 48% kóp. Qazaqstannyń jıyntyq taýar aınalymyndaǵy Reseı federatsııasynyń úlesi – 23,7%. Búkil ımporttyń 40,8%-yn, eksporttyń 12,1%-ıelengen. Reseıden Qazaqstanǵa jarty jyl ishinde 375,1 mln lıtr mıneraldy sý, 402,5 myń tonna portlandtsement, 287,6 myń tonna kómir, 3,6 myń tonna dári-dármek, 299,3 myń sharshy metr aǵash jańqaly taqta, 3,4 mln sharshy metr lıneleým,s243,9 mln kirpish, 509,4 myń rakovına ákelindi. Al Qazaqstannan Reseıge jarty jyl ishinde 39 myń tonna bıdaı, 11,5 myń tonna kúrish, 128,2 myń tonna portlandtsement, 4,6 mln tonna temir keni, 41 myń tonna tabıǵı gaz kondensaty, 27,3 myń tonna tyńaıtqysh, 12,4 myń sharshy metr keramıkalyq plıtalar, 26,8 myń tonna alkogoldi jáne alkogolsiz sýsyndar jiberildi», - dep jazady Finprom.kz.