Qazaqstanǵa ǵaryshkerler keldi

ASTANA. QazAqparat - Ǵaryshkerler QR Mádenıet jáne sport mınıstri A.Muhamedıulynyń arnaıy shaqyrtýymen keldi, dep habarlaıdy QazAqparat tilshisi. 

Qazaqstanǵa arnaıy shaqyrtýmen kelgen ardager ǵaryshkerlerdiń qatarynda Keńes Odaǵynyń Batyry, ushqysh-ǵaryshker Anatolıı Artsebarskıı, RF Batyry, Qazaqstannyń Halyq Qaharmany, Reseı jáne Qazaqstannyń ushqysh-ǵaryshkeri ıÝrıı Malenchenko jáne RF Batyry, RF ushqysh-ǵaryshkeri ıÝrıı Batýrın bar.

Shara Elbasynyń Alakólde týrızmdi damytý boıynsha tapsyrmasyna sáıkes ishki jáne reseılik týrısterdi tartý maqsatynda uıymdastyrylýda. Arnaıy shaqyrylǵan qonaqtarǵa úsh kún boıy Alakóldiń kýrortty aımaqtary men saýyqtyrý ortalyqtary kórsetiledi.

«Keńes Odaǵy kezinde Alakól kóliniń shıpaly sýy ǵaryshkerler úshin ushýdan keıin medıtsınalyq saýyqtyrý maqsatynda paıdalanylǵany barshamyzǵa belgili», - dedi Arystanbek Muhamedıuly.

Ǵaryshkerlerdiń aıtýynsha, kezinde Alakól kýrort-shıpajaıynda ushýdan keıingi qaıta beıimdelýdiń sońǵy protsesi júrgizilgen. ıAǵnı tolyq qaıta qalyptasyp, kelesi ushýǵa beriletin joldama osy jerde sheshiletin bolǵan.

Shara «Qazaq týrızm» AQ ulttyq kompanııasynyń uıymdastyrýymen jáne Qazaqstan Halyq Qaharmany, QR Avıatsııasynyń General-leıtenanty Talǵat Musabaevtyń qoldaý bildirýiniń arqasynda uıymdastyryldy.