Qazaqstanǵa esirtki alyp ótpek bolǵan jolaýshy anyqtaldy

TÚRKІSTAN. QazAqparat – Ózbekstanmen shekaradaǵy «Jibek joly» baqylaý beketinde Qazaqstanǵa esirtki alyp ótpek bolǵan sheteldik ustaldy, dep habarlaıdy QazAqparat Túrkistan oblysy Polıtsııa departamentiniń baspasóz qyzmetine silteme jasap.

Saryaǵash aýdandyq polıtsııa bólimine QR UQK Shekara qyzmetinen «Jibek joly» baqylaý beketinde Ózbekstan Respýbıkasynan Qazaqstanǵa esirtki zatyn alyp ótpekshi bolǵan er adamnyń anyqtalǵany jóninde habarlama túsedi.

Oqıǵa ornyna tez arada jedel ýákilder jetip, tekserý barysynda «Kolt» atty qyzmettik ıttiń belgi berýimen sheteldiktiń kıiminiń qaltasynan sirińke qorabyna salynǵan esirtkige uqsas zat tabyldy.

Tártip saqshylary aıǵaqty zatqa saraptama taǵaıyndady. Zertteý qorytyndysy boıynsha ol «gashısh» esirtkisi bolyp shyqty.

Atalǵan jaıt QR QK-niń 286-baby «Aınalystan alynǵan zattardyń nemese aınalymy shektelgen zattardyń kontrabandasy» boıynsha tirkeldi.