Qazaqstanǵa EQYU is basyndaǵy tóraǵasy Ann Lınde keldi
«Eýropadaǵy qaýipsizdik jáne yntymaqtastyq uıymynyń Іs basyndaǵy tóraıymy, Shvetsııanyń Syrtqy ister mınıstri Ann Lınde hanym Ortalyq Azııa elderine dástúrli aımaqtyq týrnesi aıasynda Qazaqstanǵa resmı saparmen kelip otyr. Qazaqstan áskerı-saıası, ekonomıkalyq-ekologııalyq jáne gýmanıtarlyq barlyq úsh ólsheminde EQYU-men belsendi ózara is-qımyl jasaýda. Elimiz EQYU-ǵa qatysýshy elderdiń memleket jáne úkimet basshylarynyń Sammıtin 2010 jyldyń 1-2 jeltoqsanynda Astana qalasynda ótkizip, «Qaýipsizdik qoǵamdastyǵy jolynda» Astana deklaratsııasyn qabyldaý arqyly Uıymnyń qyzmetine óz úlesin qosty. Birtutas jáne bólinbeıtin Eýroatlantıkalyq jáne Eýrazııalyq qaýipsizdik qoǵamdastyǵynyń kózqarasyn aıqyndady», - degen mınıstr 2021 jylǵy 19 aqpanda ótken Sammıttiń 10 jyldyǵyna jáne onyń saıası murasyna arnalǵan onlaın-konferentsııaǵa Ann Lınde hanymnyń qatysqany is-sharanyń abyroıyn kótergenin atap ótti.
Sondaı-aq, Muhtar Tileýberdi áriptesin Shvetsııanyń EQYU-ǵa tóraǵalyǵynyń tıimdi jáne jigerli bastalýymen quttyqtady.
«Qazaqstan Uıymnyń bedelin odan ári nyǵaıtýǵa jáne jan-jaqty ózara árekettesýdi tereńdetýge baǵyttalǵan uzaqqa sozylǵan qaqtyǵystardy sheshýde jáne senim sharalaryn qurýda, genderlik teńdik pen adam quqyqtaryn, ekologııalyq qaýipsizdik pen sybaılas jemqorlyqpen kúresti alǵa jyljytýdaǵy basymdyqtardy tolyǵymen qoldaıdy.
Búgin kelissóz barysynda áriptesimmen qaýipsizdik salasyndaǵy halyqaralyq jáne óńirlik kún tártibindegi ózekti máselelerdi, sonyń ishinde EQYU keńistigindegi uzaqqa sozylǵan qaqtyǵystardy retteýdi talqylap shyqtyq», - dedi vedomstvo basshysy.
Mınıstrdiń aıtýynsha, búgingi kelissózdiń negizgi taqyryptarynyń biri Qazaqstannyń Tuńǵysh Prezıdenti – Elbasy N.Nazarbaevtyń AQSh, Reseı, Qytaı jáne Eýropalyq odaq arasyndaǵy «Úsh Dıalog» bastamasy bolǵan.
«Aımaqtyq qaýipsizdikti qamtamasyz etý turǵysynan biz Aýǵanstandaǵy jaǵdaıdy egjeı-tegjeıli talqylap, qaýipsizdikke tónetin qaterler men basqa da problemalar Ortalyq Azııa aımaǵynan da, halyqaralyq uıymdardan da turaqty qoldaýdy qajet etetindigin atap óttik», - dedi Muhtar Tileýberdi.