Qazaqstanǵa Dýbaı-Almaty reısimen kelgen 4 jolaýshydan koronavırýs anyqtaldy

NUR-SULTAN. QazAqparat - 28 aqpan kúni Qazaqstan aýmaǵyna Germanııa, Shrı-Lanka, Saýd Arabııasy, Maldıv Respýblıkasy, BAÁ, Mysyr, Túrkııa, Ýkraına, Reseı, Ózbekstan jáne Qyrǵyzstannan 23 halyqaralyq áýe reısi keldi.

3 210 áýe jolaýshysynyń ishinde PTR-testileýdiń teris nátıjesi bar anyqtamamen 2 481 adam, anyqtamasyz 729 QR azamattary keldi, dep habarlaıdy QazAqparat QR QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Ondaǵy aqparattarǵa qaraǵanda, elge kelgen azamattardyń ishinde:

Almaty qalasynyń áýejaıyna – 15 reıs, 2 033 jolaýshy, anyqtamamen – 1 693, anyqtamasyz - 340;

Nur-Sultan qalasynyń áýejaıyna – 8 reıs, 1 177 jolaýshy, anyqtamamen - 788; anyqtamasyz - 389.

Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.

2021 jyldyń 27 aqpanynda shetelden anyqtamasyz kelgen Qazaqstan azamattarynyń PTR taldaýlarynyń nátıjelerine sáıkes, anyqtamasyz kelgen 473 QR azamatynyń PTR-taldaý nátıjeleri boıynsha Dýbaı – Almaty reısimen kelgen tórt jolaýshydan koronavırýstyq ınfektsııa anyqtaldy.